இன்னும் வாழ ஆசைப்படும் பாட்டி.
தன் நாட்களில் வீடுகட்டும்
வெகுநாள் கனவில் அப்பா.
தன் மடியில் தவழ ஏங்கும்
பேரன் கவலையுடன் அம்மா.
என்றாவது ஒரு வேலை கிடைத்தே தீரும்
என்ற நம்பிக்கையில் அண்ணன்.
திருமணக்காட்சியை தினமும்
கனவிலேயே நடத்திப்பார்க்கும் அக்கா.
எப்படியும் அவள் எனக்குத்தான்
என்று இன்றைய சந்திப்பில் நான்.
இந்த வருடமாவது பள்ளி சுற்றுலாவுக்கு
சென்றுவிட வேண்டுமென்று
மும்முரமாய் அப்பாவிடம் முயலும் தம்பி.
இப்படியான கனவுகளில் மட்டுமே
இதுவரையிலும்
இனியும் நகரும்
என் வீடு.
12.06.1996
No comments:
Post a Comment